2020 jyly elordada josparlanǵan 6 balabaqshanyń bireýi ǵana salyndy

«Nur-Sultan qalasynda memlekettik-jekeshelik áriptestik jobalary boıynsha kelisimsharttardy jasaý barysynda mindetti tólem merzimi 2018-2023 jyldary dep kórsetilgen. Buǵan qosa, memlekettik jekeshelik-seriktestik jobalarynyń kelisimshartyna sáıkes, ınvestıtsııalyq shyǵyndardyń ótemaqysyn tóleý balabaqshalar paıdalanýǵa berilgennen keıin júzege asyrylady. Ótken jyly 2018 jyly josparlanǵan alty balabaqshanyń bireýiniń ǵana qurysy aıaqtaldy. Osyǵan oraı, erejeden «2018 jáne 2023 jyldary aralyǵy» degen sózdi alyp tastaý qajet», - dedi ol elorda máslıhatynyń áleýmettik-mádenı damý máseleleri jónindegi turaqty komıssııasynyń otyrysynda.

Sonymen qatar ol erejege engiziletin taǵy bir ózgeris jaıynda aıtty.

«1-tarmaqtyń 2-tarmaqshasynda 1 541 503 000 teńge somadaǵy mindettemeni alyp tastaý qajet. Bul «Ýspeh gold 8» JShS-nyń Hýseın ben Talal dańǵyly men №38 kóshe qıylysynda 360 orynǵa arnalǵan balabaqsha qurylysyn júrgizý boıynsha mindettemesin oryndamaýyna baılanysty», - dedi Dýlat Shoǵanbaı.