2020 jyly elordada taǵy 12 mektep salynady
NUR- SULTAN. QazAqparat - Bıyl elordada 2019 jylmen salystyrǵanda eki ese kóp mektep salynady, dep habarlaıdy QazAqparat qala ákimdiginiń resmı saıtyna silteme jasap.
Atap aıtqanda, 2020 jyly 12 mektep paıdalanýǵa berilip, taǵy 12 mekteptiń qurylysyn bastaý josparlanyp otyr. Mektepter suranysqa ıe. 20 myńnan astam oqýshy orny qurylady. (Eki aýysymda 40 myńnan astam oqýshy orny).
Elorda ákimi Altaı Kólginov Maıqaıyń men A351 kósheleriniń qıylysynda ornalasqan mekteptiń qurylysymen tanysty. Mektep 1200 orynǵa eseptelgen, 2021 jyly paıdalanýǵa beriledi. «Qalada halyq sanynyń ósýine oraı áleýmettik nysandarǵa júkteme artyp keledi. Qazir úsh aýysymda oqytyp jatqan mektepter bar. Úsh aýysymdy oqytý máselesńnsheshý úshin jylyna kem degende 10 mektep salý qajet. Bıyl- 126 al 2021 jyly taǵy sonshama mektep salynady. Qurylys jumystary tıisti deńgeıde júrgizilip, abattandyrýdy aldyn ala sheshý qajet. Qurylys jumystaryn júrgizgen kezde sanıtarlyq normalar qatań saqtalýy kerek», - dedi Altaı Kólginov.
Mektep qurylysyna jeke ınvestorlar da qatysyp jatyr. Keshendi jospar aıasynda 5 jyl ishinde 60 myń oryndyq 50 mektep (onyń ishinde 10 mektep qazirgi tańda jumys jasap turǵan mektepterdiń aýmaǵynda) salý josparlanǵan. Bul eki aýysymda 120 myńǵa jýyq oqýshy ornyn qurýǵa múmkindik beredi.