2020 jyly elordada qoljetimdi baspana qurylysy úsh esege artady
NUR-SULTAN. QazAqparat – Elorda ákimdigi 2020 jyly turǵyn úı nysandary qurylysy men qalany abattandyrý týraly josparlarymen bólisti, dep habarlaıdy QazAqparat tilshisi.
«Memleket basshysynyń tapsyrmasy boıynsha qoljetimdi baspana qurylysynyń ósimin 3 esege arttyrý josparlanǵan. Bıyl 3,5 myńǵa tarta páter tapsyryldy. Biz jastarǵa arnalǵan arendalyq baspana baǵdarlamasyn iske asyrýdy jalǵastyramyz», - delingen elorda ákimdigi baspasóz qyzmetiniń málimetinde.
Sonymen qatar ákimdik problemalyq qurylys nysandaryna qatysty jaǵdaıǵa túsinik berdi.
«2019 jyly qurylysy uzaqqa sozylǵan 10 nysan paıdalanýǵa berildi. Bul óz kezeginde 2,5 úleskerdiń máselesin sheshýge múmkindik týǵyzdy. 2020 jyly salynyp jatqan 20-dan astam problemalyq nysan paıdalanýǵa berilmek», - dep atap ótilgen habarlamada.
Vedomstvo aqparatyna qaraǵanda, turǵyn alaby aýmaqtaryn abattandyrý basymdyqty baǵyt bolyp qala beredi. Osy oraıda turǵyn úı alabyn balalar oıyn alańdarymen jasaqtaýǵa aıryqsha mán berilmek.
