2020 jyly elordada 7 mln-ǵa jýyq memqyzmet kórsetildi

NUR-SULTAN. QazAqparat – Nur-Sultan qalasynyń tsıfrlandyrý jáne memlekettik qyzmet basqarmasynyń basshysy Botagóz Qasabek tsıfrlyq jańǵyrtý baǵytyndaǵy 2020 jylǵy nátıjelerdi aıtty, dep habarlaıdy QazAqparat tilshisi.

«2020 jyly elordany «Aqyldy qalaǵa» aınaldyrýǵa baǵyttalǵan jobalardy iske asyrý boıynsha úlken jumys atqaryldy. Máselen, ótken jyly memlekettik qyzmetterdiń 100 paıyzy onlaın formatqa aýystyryldy, al «iQala» ortalyǵy táýlik boıy rejımde 151 qyzmetti tikeleı usynady», - dedi B. Qasymbek onlaın rejımdegi brıfıngide.

Onyń aıtýynsha, qazirgi ýaqytta Nur-Sultan qalasynyń ákimdigi 159 memlekettik qyzmetti kórsetedi. 2020 jyly 7 mln-ǵa jýyq qyzmet kórsetildi, onyń 6 mln-nan astamy - elektrondy túrde.

«Sondaı-aq ákimniń tapsyrmasyna sáıkes, Nur-Sultan qalasy ákimdiginiń janynan tsıfrlandyrý boıynsha IT-keńes quryldy, onyń aıasynda halyqtyń tynys-tirshiligin jaqsartý úshin IT-sheshimder engizildi», - dedi basqarma basshysy.

Qala turǵyndarynyń qaýipsizdigi turǵysynan 2020 jyly «Qaýipsiz qala» qanatqaqty jobasy iske qosyldy. Qazirgi kezde pılottyq joba iske asyrylý satysynda.

2020 jyly qalanyń negizgi nátıjeleriniń biri – Nur-Sultan qalasynyń ıntellektýaldy kólik júıesi IDC halyqaralyq kompanııasynyń nusqasy boıynsha Eýropa, TMD jáne Ortalyq Azııa elderi arasynda kóshbasshy bolǵanyn aıta ketken jón.