2020 jyly elordada 627 órt bolyp, 22 adam qaza tapty - ákimdik
NUR-SULTAN. QazAqparat – 2020 jyly elordada órt saldarynan 22 adam qaza tapty. Bul týraly Nur-Sultan qalasy ákimdigi ótkizgen brıfıngte qalalyq Tótenshe jaǵdaılar departamentiniń basshysy Qýanar Bazarbaev aıtty, dep habarlaıdy QazAqparat tilshisi.
«2020 jyldyń qorytyndysy boıynsha Nur-Sultan qalasynda 627 órt boldy. Sonyń saldarynan 22 adam qaza tapty. Órttiń shyǵyny 35 mıllıon teńge boldy. Órttiń 50%-y jeke turǵyn úılerde bolady. Basty sebebi – pesh jaǵý kezinde qaýipsizdik erejelerin saqtamaýdan jáne elektr symynyń durys bolmaýynan»- deıdi Nur-Sultan qalasy Tótenshe jaǵdaılar departamentiniń basshysy Qýanar Bazarbaev.
Onyń aıtýynsha, qazirgi ýaqytta profılaktıkalyq jumys júrgizilip jatyr.
«Keıingi jyldarmen salystyryp qaraıtyn bolsaq, órt shyǵý jaǵdaılary 4% azaıǵan. Jeke turǵyn úılerde de profılaktıkalyq jumystar júrgizilip, jadynama men nusqaýlyq taratylýda», - deıdi ol.
