2020 jyly elektrondy oqytý júıesimen mekteptiń 90 paıyzy qamtylatyn bolady
ASTANA. 24 tamyz. QazAqparat - Elektrondyq oqytýdy engizý oqý sapasyn arttyrý úshin tıimdi tetik bolyp tabylady.
Búgin Astanadaǵy «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynda Bilim jáne ǵylym mınıstri Baqytjan Jumaǵulov osylaı aıtty.
«Interaktıvti jáne qashyqtan oqytýdy keńeıtý úshin mektepterde elektrondy oqytý júıesin (E-learning) engizý bastaldy. Oǵan 581 uıym qosyldy. 2013 jyly osy jobamen 926 uıym, al 2020 jyly mekteptiń 90 paıyzy qamtylatyn bolady»,-dedi mınıstr.
Onyń paıymdaýynsha, sonymen qatar, «Vırtýaldy mektep», «Onlaın sabaqtar men semınarlar» jobalary boıynsha Nazarbaev mektepteriniń Internet-resýrsyn qurý tájirıbesin taratý qajet. Interaktıvti olımpıadalar, oqý týrnırleri men ıntellektýaldy jarystar ótkizý kerek.
«Strategııalyq josparlaý jáne aqparattyq tehnologııalar departamentine E-learning jobasynyń sheńberinde:
ınteraktıvtik oqytý formasyn qoldanýdy keńeıtýdi; arnaıy onlaın oqytý baǵdarlamasyn ázirleýdi;
2013-2014 oqý jylynan bastap olardy oqý protsesine engizýdi tapsyramyn»,-dep túıindedi B. Jumaǵulov.
