2020 jyly elektr energııasy sektoryna 82 mlrd teńgeden astam ınvestıtsııa tartyldy
«Qazirgi ýaqytta Qazaqstan Respýblıkasynyń Biryńǵaı elektr energetıkalyq júıesi shtattyq rejımde jumys isteıdi. 2020 jyly elektr energııasyn óndirý kólemi 108 mlrd kVtsaǵ-qa jetti. Bul rette, elektr energııasyn tutyný 107,3 mlrd kVtsaǵ qurady, bul elimizdiń elektr energııasyna qajettilikti tolyǵymen qamtamasyz etetindigin kórsetedi», - dedi mınıstr.
Onyń aıtýynsha, 2020 jyly qýat naryǵy aıasynda elektr energııasyn óndirý sektoryna tartylǵan ınvestıtsııalar kólemi 82 mlrd teńgeden asty. Respýblıkalyq bıýdjet esebinen 31,4 mlrd teńge somasyna 24 joba iske asyrylady, onyń ishinde 6 joba aıaqtaldy. 6 jobany iske asyrý shamamen 120 myń adamdy senimdi jáne úzdiksiz elektrmen jabdyqtaýǵa, 18,1 myń adamdy jáne 10 áleýmettik nysandy jylýmen qamtamasyz etýge múmkindik berdi.
Bıýdjetke túsken salyq kiristeri 5 mlrd teńgeden astam somany qurady.
«Elektr energetıkasy salasyna ınvestıtsııalar aǵynyn ulǵaıtý maqsatynda Mınıstrlik elektr stantsııalaryn jańǵyrtý, rekonstrýktsııalaý jáne jańartý úshin shekti jol beriletin lımıtti jylyna 10-nan 30 mlrd teńgege deıin ulǵaıtý jóninde sharalar qabyldady. Manevrlik qýattar qurylysyn yntalandyrý úshin qoldanystaǵy elektr energetıkasy týraly zańnamaǵa túzetýler engizildi. Saladaǵy mańyzdy oqıǵalardyń biri retinde – naryqta ashyqtyqty júzege asyrý maqsatynda Elektr energııasynyń ortalyqtandyrylǵan saýda júıesin reformalaýdy atap ótýge bolady», - dedi N. Noǵaev.
