2020 jyly dárigerler men medbıkelerdiń jalaqysy qanshaǵa ósedi
NUR-SULTAN. QazAqparat – Densaýlyq saqtaý mınıstri Eljan Birtanov 2020 jyly dárigerlerdiń jalaqysy qanshaǵa ósetini týraly aıtty, dep habarlaıdy QazAqparat tilshisi.
«Elbasynyń «Áleýmettik qamqorlyq» sharalaryn iske asyrý sheńberinde osy jyldyń 1 maýsymynan bastap medıtsına qyzmetkerleriniń jalaqysy 30 paıyzǵa ósti. Jańa baǵdarlama sheńberinde 2025 jylǵa deıin medıtsınalyq qyzmetterdiń tarıfterin ósirý esebinen medıtsına qyzmetkerleriniń jalaqysyn ekonomıkadaǵy ortasha jalaqydan 1-den 2,5 ese joǵary etý kózdelgen», - dedi Eljan Birtanov Parlament Senatynda ótken Úkimet saǵatynda.
Mınıstrdiń aıtýynsha, 2020 jyldyń 1 qańtarynan bastap dárigerlerdiń jalaqysyn 30 paıyzǵa, meıirbıkelerdiń jalaqysyn 20 paıyzǵa ulǵaıtý usynystary qoldaý tapqan.
