2020 jyly chempıondarmen shyǵamyn – Jánibek Álimhanuly
NUR-SULTAN. QazAqparat – WBC Continental Americas jáne WBO Global nusqalary boıynsha chempıon Jánibek Álimhanuly (8-0, 4KO) 2020 jylǵy jekpe-jekteri jaıly málimdeme jasady, dep habarlaıdy QazAqparat tilshisi.
«2020 jyly sharshy alańda chempıondarmen shyǵamyn», - dep jazdy boksshy Instagram paraqshasynda.
Aıta ketsek, Jánibek Álimhanuly buǵan deıingi jekpe-jegin ótken jyldyń qarasha aıynda Fresno qalasynda (Kalıfornııa, AQSh) 39 jastaǵy kanadalyq boksshy Albert Onolýnosqa qarsy ótkizip, orta salmaqtaǵy WBC Continental Americas tıtýlyn qorǵap qalǵan bolatyn. Kanadalyq otandasymyzdan nokaýtpen jeńildi.
Foto: www.instagram.com/janibek_alimkhanuly
