2020 jyly baǵanyń jalpy ósýine azyq-túlik ınflıatsııasy eń kóp áser etken
NUR-SULTAN. QazAqparat – 2020 jyly baǵanyń jalpy ósýine azyq-túlik ınflıatsııasy eń kóp áser etti. Bul týraly Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.
«Jyldyq ınflıatsııa da bir aı burynǵy 7,3 paıyzben salystyrǵanda 2020 jyldyń sońynda 7,5 paıyzǵa deıin jyldamdap, Ulttyq banktiń 7,0-7,5% deńgeıindegi boljamyna sáıkes qalyptasty. Baǵanyń jalpy ósýine azyq-túlik ınflıatsııasy eń kóp yqpal etti. Azyq-túlik taýarlary baǵasynyń jyldyq ósýi naryqtarda jekelegen tamaq ónimderiniń teńgerimsizdigi kúsheıgennen 10,8 paıyzdan 11,3 paıyzǵa deıin ulǵaıdy», - dedi ol.
Onyń aıtýynsha, azyq-túlikke jatpaıtyn ınflıatsııa kıim men aıaq kıim baǵasynyń 4,8 paıyzǵa deıin tómendeýiniń aıasynda 5,7 paıyzdan 5,5 paıyzǵa deıin baıaýlady.
«Aqyly qyzmet ınflıatsııasy qoǵamdyq tamaqtaný qyzmeti men qonaq úıde qyzmet kórsetý baǵasynyń ósýine baılanysty 4,1 paıyzdan 4,2 paıyzǵa deıin jedeldedi»,- dedi Erbolat Dosaev.
