2020 jyly «Aqsaı» jáne «Aıýsaı» shatqaldaryna bóget salynady

ALMATY. QazAqparat - 2020 jyly Almaty taýlaryndaǵy «Aqsaı» jáne «Aıýsaı» shatqaldaryna bóget salý jumystary qolǵa alynbaq, dep habarlaıdy QazAqparat tilshisi.

«Qazir Almatyda 4 damba bar. Búgingi kúni selge eń osal jer - Almaty Úlken ózeni basseıniniń «Aıýsaı» shatqaly bolyp otyr. Sońǵy 20 jyl ishinde ol jaqta kóptegen oıyn-saýyq oryndary salyndy. Sonyń saldarynan Aqsaı ózeniniń basseıni selge tótep bere almaıdy.

«Qazseldenqorǵaý» mekemesi qurylysty kelesi jyly bastaıdy, - dedi Almaty qalasy Tótenshe jaǵdaılar departamentiniń bastyǵy Serik Áýbákirov.

Bógettiń smetalyq jobasyn ázirleý 2016 jyly bastaldy. Almaty mańynda 37 morena kóli bar, olardyń 15-i qaýipti, bıyl 7 kól eń qaýiptilerdiń qataryna endi. Jaz jáne kúz aılarynda olardan sýdy bosatý jumystary júrgizildi.