2020 jyly adamdar kúızeliske ushyraıdy

Sarapshylardyń aıtýynsha, tap osy ǵalamdyq muń qaýipti aýrýlar tý­dy­ryp, ólim kórsetkishin arttyryp jiberedi eken. Óıtkeni qazir kúızeliske ushyrap otyrǵan adamdar sany tym kóp. Tipti bul aýrý qanǵa sińip bara jatqan kórinedi. Onyń ústine, álemde alǵyr, zerek, qabiletti adamdar sany ósip keledi eken, sarapshylar: «Mun­daı qabileti bar adamdar kúızeliske tórt ese jıi ushyraıdy» deıdi. Dúnıejúzilik densaýlyq saqtaý uıymy psıhologtarynyń habarlaýyn­sha, mu­nyń arty adamdardy qazirgige qara­ǵanda áldeqaıda qaterli tragedııaǵa ushyratady. Mamandardyń sózinshe, keleshekte adamdar arasynda ólimniń kóbeıýi osy kúızelistiń saldarynan bolady eken. Psıhıkalyq aýrýǵa shaldy­ǵatyndardan bastap óz-ózine qol jumsaıtyndar sany artatyn kórinedi. «Ony­men qosa adamdar arasynda esirtkige, ishimdikke áýes jandardyń qatary kóbeıedi», - deıdi psıholog mamandar. Sondyqtan DDSU-nyń psı­hologtary 2020 jyly qaraı álemde adamdar ólimi men jarymjan, múgedek bop qalý faktileriniń basym kóbi kúızeliske baılanysty bolatynyn boljap otyr, dep jazady «Alash aınasy» basylymy.