2020 jyly 700 myń kásipker salyqtyq jeńildik aldy

NUR-SULTAN. QazAqparat – 2020 jyly 700 myń kásipker salyqtyq jeńildik aldy. Bul týraly Úkimettiń keńeıtilgen otyrysynda Premer-Mınıstr Asqar Mamın aıtty, dep habarlaıdy QazAqparat tilshisi.

«Daǵdarysqa qarsy sharalardyń 3 toptamasy qabyldanyp iske asyryldy. Bul: halyq pen bıznesti qoldaý jónindegi shuǵyl sharalar, áleýmettik-ekonomıkalyq turaqtylyqty saqtaý jónindegi jedel sharalar jáne ekonomıkalyq ósimdi qalpyna keltirý jónindegi keshendi jospar. Osynyń arqasynda 700 myń kásipker salyqtyq jeńildik aldy. Zııan shekken salalardaǵy qaryz alýshylardyń 80 paıyz kredıtterdi tóleý merzimin keıinge aýystyrý boıynsha jeńildikterdi paıdalandy», - dedi Asqar Mamın.

Premer-Mınıstrdiń dereginshe, kásipkerlerdiń 40 myńǵa jýyq jobasy qarjylandyryldy.

«Úkimettiń ekonomıka men halyqty qoldaýǵa arnalǵan daǵdarysqa qarsy sharalarynyń jalpy kólemi 6,3 trln teńgeni qurady. Bul jalpy ishki ónimniń 9 paıyzy»,- dedi Úkimet basshysy.