2020 jyly 70 myńǵa jýyq oqý granty bólinedi
NUR-SULTAN. QazAqparat - 2019-2020 oqý jylyna jalpy jıyny 69 256 grant bólinbek, dep habarlaıdy QazAqparat BǴM baspasóz qyzmetine silteme jasap.
Mundaı sheshimdi quramyna Parlament depýtattary men «Atameken» ulttyq kásipkerler palatasynyń mamandary, memlekettik organdar men joǵary oqý oryndary qaýymdastyǵynyń, qoǵamdyq uıymdardyń ókilderi kiretin vedomstvoaralyq jumys toby qabyldaǵan.
«2019-2020 oqý jylyna jalpy jıyny 69 256 grant bólinbek. Onyń ishinde bakalavrıatqa - 53 785 grant, magıstratýraǵa - 13159 grant, PhD doktorantýraǵa - 2312 grant bólindi. Bıyldan bastap bilim berý granttary bilim berý baǵdarlamalaryna taǵaıyndalady. Bakalavrıatta - 97 bilim berý baǵdarlama, magıstratýrada - 154 jáne doktorantýrada - 150 bilim berý baǵdarlamasy bar. Oqýǵa túsken grant ıegeri solardyń birin tańdaýy kerek», - delingen QR Bilim jáne ǵylym mınıstrliginiń baspasóz qyzmeti taratqan aqparatta.
