2020 jyly 5 mln adam mıllıoner atandy
NUR-SULTAN. QazAqparat – Covid-19 pandemııasynan bolǵan ekonomıkalyq zalalǵa qaramastan, 2020 jyly 5 mıllıonnan astam adam mıllıoner atandy, dep habarlaıdy QazAqparat Credit Suisse saıtyna silteme jasap.
Shveıtsarııanyń Credit Suisse qarjy konglomeratynyń jyl saıynǵy Global Wealth Report esebine sáıkes, álemdegi mıllıonerler sany 2020 jyly 56 mıllıonnan asty. Pandemııa jyly adamdardyń 1 paıyzynan astamy baıydy. Aktıvteri 50 mıllıon dollardan asatyn aýqattylardyń sany 24 paıyzǵa artyp, 2003 jyldan bergi eń joǵary ósim boldy.
Bank sarapshylary álemdik ál-aýqat 2020 jyldyń sońyna qaraı 418,3 trln dollarǵa jetip, 7,4 paıyzǵa óskenin atap ótti. Sonymen qatar jan basyna shaqqanda ol 6 paıyzǵa artyp, 79,9 myń dollarǵa jetti.
Álemdik ekonomıkaǵa damyǵan elderdiń úkimetteri men ortalyq bankteriniń is-qımyldary, ıaǵnı jahandyq qarjy daǵdarysy kezinde qatelikterdi boldyrmaý maqsatynda eki baǵyt boıynsha aldyn alý sharalaryn qabyldaǵany – halyq pen bıznesti qoldaý úshin aýqymdy aqsha quıýdy uıymdastyrǵany, sondaı-aq paıyzdyq mólsherlemelerdi tómendetkeni áser etken.
