2020 jyly 18 bala terezeden qulap, mert boldy – QR ІІM
NUR-SULTAN. QazAqparat - Bıyl elimizde 105 bala kópqabatty úıdiń terezesinen qulaǵan. Bul týraly onlaın brıfıngide QR ІІM Ákimshilik polıtsııa komıteti ıývenaldy polıtsııa jáne áıelderdi zorlyq-zombylyqtan qorǵaý bólimi bastyǵynyń orynbasary Dılbar Tólegenova aıtty, dep habarlaıdy QazAqparat tilshisi.
Kámeletke tolmaǵandar arasyndaǵy jazataıym oqıǵalardyń aldyn-alý – óte mańyzdy. Balalardyń bos ýaqyttaryn uıymdastyra almaý, olardy ata-analarynyń qaraýsyz qaldyrýy – ártúrli jazataıym jaǵdaılarǵa, jaraqat pen ólimge alyp keledi.
«Bıyl respýblıka boıynsha 105 bala kópqabatty úıdiń terezesinen qulady, onyń ishinde 18 bala jazataıym jaǵdaıdan mert bolsa, al qalǵan 87-i aýrýhanaǵa jatqyzyldy. Kámeletke tolmaǵandardyń jaraqattanýyn boldyrmaý úshin kámeletke tolmaǵandardyń úıde jáne kóshede, sýda jáne órt kezinde qaýipsizdik sharalaryn saqtaý erejelerin túsindirý jumystary júrgizilýde», - deıdi QR ІІM Ákimshilik polıtsııa komıteti ıývenaldy polıtsııa jáne áıelderdi zorlyq-zombylyqtan qorǵaý bólimi bastyǵynyń orynbasary Dılbar Tólegenova.
Onyń aıtýynsha, shomylý maýsymy kezinde balalardyń qaýipsizdigin qamtamasyz etý úshin polıtsııa sý aıdyndaryna reıd júrgizip, demalýshylarmen profılaktıkalyq áńgimeler uıymdastyrady. Qaýipti jerlerde 6 myń tyıym salý belgileri ornatyldy. Qala jaǵajaılarynda balalar júzetin 66 jaǵajaı bar.
