2020 jyly 12 myńnan astam etnıkalyq qazaq qandas mártebesin aldy
NUR-SULTAN. QazAqparat - Aǵymdaǵy jylǵy 1 jeltoqsandaǵy jaǵdaı boıynsha 12,3 myń adam tarıhı Otanyna oralyp, qandas mártebesin aldy, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.
Jalpy, 1991 jyldan beri respýblıkaǵa 1 mln 69,5 myń etnıkalyq qazaq oraldy.
Osy jyly Qazaqstanǵa kelgen qandastardyń jartysynan kóbi (54,2%) Qytaıdan, 30,0% – Ózbekstannan, 8,9% – Túrikmenstannan, 3,7% – Mońǵolııadan jáne 3,2% basqa elderden.
Kelgen etnıkalyq qazaqtar negizinen Almaty (51,7%) jáne Mańǵystaý (13,4%) Túrkistan (5,6%) oblystaryna, sondaı-aq Nur-Sultan (4,1%) jáne Shymkent qalalaryna (3,7%) qonystandy.
11 aıdyń qorytyndysy boıynsha eńbekke qabiletti jastaǵy qonys aýdarýshylar sany 57,2%-dy, eńbekke qabiletti jastan kishi 32,2%-dy jáne zeınetkerler 10,6%-dy quraıdy.
