2020 jylǵy «ZEREN» bilim jobasynyń qorytyndysy shyqty
Mınıstrliktiń málimetinshe, sharaǵa QR Parlamenti Senatynyń tóraǵasy Máýlen Áshimbaev, Aqparat jáne qoǵamdyq damý mınıstri Aıda Balaeva, Prezıdenttik jastar kadrlyq rezerviniń músheleri, jastar birlestikteriniń kóshbasshylary, volonterler, «Bolashaq» stıpendıattary, elimizdiń barlyq óńirlerinen kolledjder men joǵary oqý oryndarynyń stýdentteri qatysty.
Jıynda sóz alǵan Senat Tóraǵasy Máýlen Áshimbaev qatysýshylardy kele jatqan Táýelsizdik kúnimen quttyqtap, jastardyń egemendikti saqtaýdaǵy jáne memlekettilikti nyǵaıtýdaǵy mańyzdy rólin atap ótti.
Mınıstr Aıda Balaeva «Bul joba – jastar úshin tek bilim alatyn emes, belgili tulǵalarmen kezdesip, jańa tanystyqqa jol ashatyn alań. «Zeren» jobasynyń eń basty maqsaty da osy», dep atap ótti.
2020 jyly týyndaǵan sanıtarlyq-epıdemıologııalyq jaǵdaıǵa baılanysty joba onlaın formatta ótkizildi jáne jastardyń ózin-ózi damytýǵa, jas urpaqtyń pikiri prızmasy arqyly «Halyq únine qulaq asatyn memleket» ıdeıasyn iske asyrýǵa jaǵdaı jasaıtyn jańa shyndyqtardy jan-jaqty toptastyrýǵa baǵyttalǵan.
Іs-sharanyń bul formaty elimizdiń túkpir-túkpirinen kelgen 4500-den astam jastarǵa óz daǵdylaryn, ıdeıalaryn kórsetýge jáne eldiń tanymal tulǵalarymen kezdesýge, olardan keńester men praktıkalyq usynymdar alýǵa múmkindik berdi.
«Zeren» eki negizgi platformada jumys istedi - Online Bilim jáne Online Dialog. Online Bilim - jastardyń onlaın sabaqtar arqyly jańa bilim alýǵa múmkindik beretin onlaın-oqytý platformasy.
Aıda Balaeva:
«Bıylǵy Jobadan alǵan bilimderińiz, kórgen tájirıbelerińiz sizderdiń aldaǵy ómirlerińizge, jospar-jobalaryńyzǵa mol paıdasyn tıgizedi dep senemin»,- dedi.
Sonymen birge, Mınıstr Online Bilim-ge Qazaqstannyń túkpir-túkpirinen 1300-den astam jas qatysqanyn, jastar ókilderi sarapshylarmen birge startaptar men bıznes-jobalardy damytýdy úırengenin atap ótti.
Aıda Balaeva osy sektsııa jumysynyń nátıjeleri boıynsha YouTube-ta «Kıeli tabıǵat» ǵylymı-bilim berý kanaly qurylatyndyǵyn, onyń vıdeokontenti mektepterde, kolledjderde jáne ýnıversıtetterde jastar komıtetteri men jastar resýrstyq ortalyqtary arqyly taratylatynyn aıtty.
Sondaı-aq, jastar arasynda ekosofııa qaǵıdalaryn nasıhattaý jáne ekologııalyq aktsııalar ótkizý úshin eriktilik negizde jalǵastyratyn ekologııalyq qozǵalystardyń jetekshilerin oqytý josparlanǵanyn» atap ótti.
Jalpy, bıyl trenıng bes baǵyt boıynsha ótti: aqparattyq tehnologııalar, jastar kásipkerligi, jeke tulǵany damytý, azamattyq belsendilik, eriktilik.
Jobanyń ekinshi negizgi komponenti - Online Dialog alańy, ol 5 baǵytty qamtydy: aqparattyq tehnologııalar, joǵary sapaly jáne qoljetimdi bilim, jumyspen qamtý jáne jeke damý men memlekettik jastar saıasatyn iske asyrý.
Online Dialog tek pikirtalas alańyna aınalyp qana qoımaı, sonymen qatar jastardy memlekettik jáne qoǵam qaıratkerlerimen, sarapshylar men bıznes qaýymdastyqtarymen tanystyrdy.
Jobanyń negizgi maqsattarynyń biri - jumysqa óńirlerdegi aýyl jastaryn tartý ekenin atap ótken jón. Online Bilim baǵyty boıynsha 25 baılanys jáne Online Dialog baǵytynda 5 baılanys boldy.
2020 jyldyń 9 qarashasynda bastalǵan joba iske qosylǵan sátten bastap qatysýshylar Saıasat Nurbek, Janna Ibraeva, Emın Áskerov, Ahmetov Áset jáne t. b. sııaqty úzdik qazaqstandyq spıkerlerdiń, óz isiniń kásibı mamandarynyń eriktilik, azamattyq belsendilik, jastar kásipkerligi, ІT tehnologııalar, jeke damý salasyndaǵy quziretterin, daǵdylaryn arttyrdy.
Sonymen qatar, dıalog alańy aıasynda QR Parlamentiniń depýtattary, salalyq mınıstrlikterdiń mınıstrleri men vıtse-mınıstrleri, qoǵam qaıratkerleri, saıasattanýshylar, sarapshylar jáne t. b. sóz sóıledi.
Jobanyń qorytyndysy boıynsha YouTube vıdeohostıngisinde ashyq qoljetimdi barlyq beıne-sabaqtardyń, master-klasstardyń jazbalary daıyndaldy, bul kez-kelgen adamǵa tanysýǵa jáne ózine jańa nárse ashýǵa múmkindik beredi.
Іs-shara jemisti ǵylymı, shyǵarmashylyq, qoǵamdyq qyzmeti, sondaı-aq joǵary sporttyq jetistikteri úshin 2020 jylǵy «Daryn» memlekettik jastar syılyǵynyń laýreattaryn marapattaýmen aıaqtaldy.
Eske sala keteıik, 2018 jyly bastalǵan «ZEREN» jobasy elimizdiń barlyq óńirlerinde jastar usynǵan bıznes-jobalardy iske qosý, aýyl jastarynyń ekonomıkalyq jáne áleýmettik ınfraqurylymǵa qoljetimdiligin arttyrý, aýyldyq jerlerdegi belsendi, talantty jastardy anyqtaý jáne biriktirý alańyna aınaldy.
Bul joba 2021 jyly da jalǵasady.
