2020 jylǵy velosporttan álem chempıonaty josparlanǵan merzimde ótedi
NUR-SULTAN. QazAqparat – Velosport-2020 álem chempıonatynyń uıymdastyrýshylary onyń Shveıtsarııada 20-27 qyrkúıek aralyǵynda ótetinin rastady, dep habarlaıdy QazAqparat Olympic.kz portalyna silteme jasap.
Álem birinshiligi, josparlanǵandaı, Egle-Martını marshrýty boıynsha ótedi. Qazirgi ýaqytta eshqandaı kedergi joq.
Sonymen qatar, Shveıtsarııa chempıonatyn ÁCh-na daıyndyq retinde baqylaımyz. Ol 22 tamyzǵa josparlanǵan jáne álem birinshiligi ótetin jerde bolady.
«Óńirdegi densaýlyq jaǵdaıy men Shveıtsarııa Federaldyq keńesi, Vo jáne Vale kantondary, Egl men Martını kommýndary qabyldaǵan shekteý sharalaryn baqylap, jarysqa daıyndyqty jalǵastyrdyq. Álemdegi jaǵdaıǵa baılanysty muqııat bolý kerek, biraq Shveıtsarııa chempıonatyn uıymdastyrýshylar álem chempıonaty kezinde de bizdiń tásilderimizdi baǵalap, tártipti baqylaýda ustaýǵa kómektesedi», - dedi ÁCh-2020 uıymdastyrý komıtetiniń prezıdentteri Gregorı Devo men Aleksandr Debon.
