2020 jylǵy Tokıo Olımpıadasynyń emblemasy tańdaldy
ASTANA. QazAqparat - Juma kúni Tokıoda 2020 jylǵy Olımpıada jáne Paralımpıada oıyndarynyń emblemasy tanystyryldy, dep habarlandy Halyqaralyq paralımpıada komıtetiniń saıtynda.
Olımpıada emblemasy retinde "T" árpi, al Paralımpıada emblemasy retinde - tik turǵyzylǵan teń (=) belgisi tanystyryldy.
Eki emblemada da biryńǵaı álem sımvoly retinde oılastyrylǵan sheńber bar, al onyń qyzyl túsi ár adamnyń soqqan júregin bildiredi.
Emblemalardaǵy qara jolaq barlyq tústerdiń jıyntyǵyn bildiredi.
NHK telekompanııasy habarlaǵandaı, tańdalǵan "T" úsh sózdiń birinshi áripteri- Tokyo ("Tokıo"), Team ("komanda") jáne Tomorrow ("erteń"). "T" árpiniń astynda dástúrli bes saqına ornalasqan.
