09:42, 21 Naýryz 2019 | GMT +6
2020 jylǵy Olımpıada alaýy qandaı bolady
ASTANA. QazAqparat - Búgin Japonııa astanasy Tokıoda 2020 jylǵy Olımpıada oıyndarynyń alaýy tanystyryldy, dep habarlaıdy QazAqparat Ulttyq olımpıada komıtetine silteme jasap.
Jazǵy oıyndardyń alaýy sakýra sekildi bezendirilgen. Bekitilgen tujyrymdama boıynsha, árbir «japyraqtan» bólek ot tutanyp, sońynda bári birtutas alaýǵa aınalady.
Alaýdyń salmaǵy 1,2 kelige jýyqtaıdy, bıiktigi 71 santımetr. Alaýdy daıyndaý kezinde 2011 jyldyń 11 naýryzynda Japonııanyń soltústik-shyǵysynda jer silkinisi men tsýnamıden zardap shekkenderge ýaqytsha soǵylǵan úılerdegi mys qoldanyldy.
2020 jylǵy Tokıo Olımpıadasynyń alaýy dástúr boıynsha Grekııada jaǵylady. Jeti kúnnen soń Kúnshyǵys eline jetetin alaý estafetasy 26 naýryzda bastalady.
