2020 jylǵy aýyr atletıkadan Azııa chempıonaty Qazaqstanda ótedi
ASTANA. QazAqparat - 2020 jyly aýyr atletıkadan Azııa chempıonaty Qazaqstanda ótedi, dep habarlaıdy QazAqparat tilshisi.
QR Aýyr atletıka federatsııasy taratqan málimetterge súıensek, Ózbekstan astanasy Tashkent qalasynda Halyqaralyq aýyr atletıka federatsııasy (IWF) Atqarýshy komıtetiniń otyrysy jáne IWF kongresinde osyndaı sheshim qabyldanǵan.
Atalmysh shara aıasynda IWF vıtse-prezıdenti, Qazaqstan aýyr atletıka federatsııasy prezıdenti Janat Túsipbekov pen Azııa aýyr atletıka federatsııasy prezıdenti Muhamed ıÝsef Ál Man arasynda kezdesý ótti.
Kelissózder nátıjesinde birqatar kelisimderge qol jetkizildi jáne QR AAF 2020 jyly Qazaqstanda Azııa chempıonatyn ótkizý týraly resmı hatqa ıe boldy. Azııa qurlyǵy úshin bul 2020 jyly Tokıoda ótetin Olımpıada oıyndary aldyndaǵy mańyzdy irikteý týrnıri bolatynyn atap ótken jón.
«Azııa chempıonatyn ótkizý quqyǵyna ıe bolýlaryńyzǵa baılanysty, bizdiń shynaıy quttyqtaýymyzdy qabyl alyńyzdar jáne osyndaı eleýli sharany sátti uıymdastyrýda bizdiń qoldaıtynymyzdy aıtqymyz keledi», - delingen hatta.
