2020 jylǵy 1 qazanǵa deıin Ulttyq tólem júıesin damytý baǵdarlamasy daıarlanady – UB
NUR-SULTAN. QazAqparat - 2020 jylǵy 1 shildege deıin valıýtalyq táýekelderdi hedjırleýdiń naryqtyq ınfraqurylymyn damytý boıynsha usynystar engiziledi.
Bul týraly búgin Úkimet otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.
«Qarjy naryǵyn teńgerimdi damytýdy qamtamasyz etý jáne Qazaqstanǵa sheteldik kapıtaldy tartý jumysy aıasynda Ulttyq bank Qarjy naryǵyn retteý jáne damytý agenttigimen birlesip, 2020 jylǵy 1 shildege deıin valıýtalyq táýekelderdi hedjırleýdiń naryqtyq ınfraqurylymyn damytý boıynsha usynystar engizedi. Bul, bir jaǵynan, qarjy uıymdarynyń balansyndaǵy valıýta qarajatyn ekonomıkany ulttyq valıýtada kredıtteýge jumsaýǵa múmkindik beredi. Ekinshi jaǵynan, sheteldik ınvestorlardy valıýtalyq táýekelderden qorǵaý quralyna aınalady. Nátıjesinde negizgi kapıtalǵa ınvestıtsııalar kólemin ІJÓ-niń 30 paıyzyna deıin jetkizýge yqpal etedi»,- dedi Ulttyq bank tóraǵasy.
Onyń atap ótýinshe, kóleńkeli ekonomıkamen kúres jáne qolma-qol aqshasyz esep aıyrysýlardyń úlesin arttyrý máseleleri Ulttyq banktiń negizgi basym mindetteriniń biri bolyp sanalady.
«Ulttyq bank alǵa qoıǵan maqsattarǵa jetý úshin Qarjy naryǵyn retteý jáne damytý agenttigimen jáne Úkimetpen birlesip, 2020 jylǵy 1 qazanǵa deıin Ulttyq tólem júıesin damytý baǵdarlamasyn ázirleıdi. Ulttyq tólem júıesi barlyq múddeli taraptar úshin ózara tıimdi negizde qurylatyn bolady»,- dedi Erbolat Dosaev.
