2020 jylǵa taman Qazaqstan jylyna 400 myń tonna allıýmınııdi tereń óńdeıtin bolady
Mınıstr óndiris barysymen tanysa kele, zaýyt basshylyǵyna Memleket basshysy qoıǵan mindetti oryndaý kerektigin jetkizdi.
«Búginde biz Almaty oblysy ákimimen úılese jumys isteý úshin mınıstrlik quzyryna kiretin máselelerdi biraz talqyladyq. Qazir ındýstrııalandyrýdyń ekinshi besjyldyǵy baǵdarlamasyna ózgertýler enip jatyr. Oǵan tek óńdeý salasynyń jobalary ǵana emes, qyzmet kórsetý salasynyń jobalary da enetin bolady. Osy zaýytta jylyna 12 myń tonna óńdeledi. 500 jańa jumys orny ashylady. Jumys óndirisi 120 myń dollarǵa artady. Elbasy allıýmınıı óńdeý kólemin 2020 jylǵa taman 400 myń tonnaǵa jetkizýge tapsyrma berdi. Olardyń 250 myńy tereń óńdelse, 50 myń tonnasy Almaty men Almaty oblysynyń úlesine keledi. Aımaq basshysymen birlese otyryp ortaq jospar jasamaqpyz», - dedi Á.Isekeshev.
Oblys ákimi Amandyq Batalovtyń aıtýynsha, kóliktiń dálizdiń qurylysy sátti aıaqtalsa, jol boıynda jańa kásiporyndar qurylady. Ol óz kezeginde jańa jumys oryndaryn ashýǵa sep bolmaq. Almaty oblysy agrarlyq aımaq bolǵandyqtan, bul jerge transporttyq logıstıka ortalyq aýadaı qajet.
Aıta keteıik, búgin QR Investıtsııalar jáne damý mınıstri Áset Isekeshev Almatyǵa jumys saparymen keldi. Sapar barysynda mınıstr «Alataý» arnaıy ekonomıkalyq aımaǵyn aralap, Almaty qalalyq iskerlik keńesiniń otyrysyna qatysty. Kezdesý qorytyndysynda Áset Isekeshev pen Baýyrjan Baıbek 2015-2016 jyldarǵa arnalǵan ózara yntymaqtastyq týraly memorandýmǵa qol qoıdy.
