2020 jylǵa qaraı jańaratyn energııa kózderi 1040 MVt qýat kóleminde bolady
ASTANA. 5 aqpan. QazAqparat - Elektr energetıkasy jáne energııa tıimdiligi ınstıtýty qurylady. Bul týraly búgin Úkimet otyrysynda QR Premer-Mınıstriniń orynbasary-Indýstrııa jáne jańa tehnologııalar mınıstri Áset Isekeshev málim etti.
Qazaqstanda 2013-2020 jyldarǵa arnalǵan balamaly jáne jańartylatyn energetıkany damytý boıynsha sharalardyń josparyn Úkimet qabyldaǵanyn eskerip ótken Á. Isekeshev, onyń aıasynda jańaratyn energııa kózderin qoldaýǵa baǵyttalǵan sharalardy qabyldaý, atalǵan salada zertteýler men mamandarǵa kómek jasaý, jańaratyn energetıka men energııa únemdeý saıasatyn nasıhattaý jáne basqa da mańyzdy qadamdar eskerilgenin jetkizdi.
Onyń sózine qaraǵanda, aldaǵy ýaqytta Elektr energetıkasy jáne energııa tıimdiligi ınstıtýty qurylady.
«Qabyldanǵan josparǵa sáıkes 2020 jylǵa qaraı biz jańaratyn energııa kózderi 1040 MVt qýat kóleminde bolady dep kútýdemiz. Onyń ishinde 13 jel stansasy (793 MVt), 14 GES (170 MVt) , sondaı-aq 4 kún elektr stansasy (77MVt) jasaqtalady»,-dedi mınıstr.
