2020 jylǵa qaraı qurylys nysandaryna sarapshylyq qyzmettiń 80 paıyzy naryqtyq ortaǵa beriledi
ASTANA. QazAqparat - 2020 jylǵa qaraı qurylys nysandaryna sarapshylyq qyzmettiń 80 paıyzy naryqtyq ortaǵa beriledi. Bul týraly búgin QR Parlamenti Májilisiniń ekonomıkalyq reforma jáne óńirlik damý komıtetiniń keńeıtilgen otyrysynda QR Óńirlik damý birinshi vıtse-mınıstri Qaıyrbek Óskenbaev málim etti.
«Qazirgi ýaqytta memlekettik monopolııa sýbektisi bolyp tabylatyn jobalaý qujattamasynyń 80 paıyzdaıy memlekettik saraptamada, qalǵan 20 paıyzy sarapshylyq jumys naryǵy ókilderimen qaralady. Osyǵan oraı ázirleýshimen básekelestik ortany damytýdy zańnamalyq qamtamasyz etý mindeti qoıyldy», - dedi ol.
Onyń atap ótýinshe, birinshi kezeńde 2015 jyly naryq sýbektileri júzege asyratyn sarapshylyq jumystyń kólemi qazirgi 20 paıyzdan 50 paıyzǵa deıin, al ekinshi kezeńde 2020 jylǵa deıin 90 paıyzǵa deıin jetkiziletin bolady.
«Osy jumystardyń keminde 10 paıyzy 2020 jyly saraptamanyń memlekettik sektorynyń júrgiziliminde qalady. Olar: bıýdjettik qarajat esebinen nemese memlekettik ınvestıtsııalardyń, ózge de nysandardyń qatysýymen qarjylandyrylatyn tek qana jańa nysandardy turǵyzýǵa, sondaı-aq jobalaý men qurylystyń erekshe normalaryn belgileýi tıis memleketaralyq mańyzy bar nysandarǵa nemese biregeı nysandarǵa jatqyzylatyn qurylys obektileri jobalaryn, sonymen birge tehnıkalyq jáne tehnologııalyq jaǵynan kúrdeli nysandarǵa jatatyn ǵımarattar men qurylystarǵa arnalǵan qurylystyń tehnıkalyq-ekonomıkalyq negizdemelerin jáne jobalaý-smetalyq qujattamalaryn saraptaý», - dedi birinshi vıtse-mınıstr.
