2020 jylǵa qaraı «Kókjaılaý» shıpajaıynyń qurylysy bastalmaq
ALMATY. QazAqparat - "Kókjaılaý" shıpajaıy qurylysynyń jumysy 2020 jylǵa josparlanǵan, dep habarlaıdy QazAqparat tilshisi.
Almaty Mountain Resorts kompanııasynyń ókilderi shıpajaı qurylysynyń tujyrymdamasy ózgergenin məlimdedi.
"2014 jylǵy eski joba sheteldik qonaqtarǵa arnalyp jasalǵan bolatyn. Sən-saltanaty jarasqan "luxury" statýsyna laıyq qyzmet etetin. Al jańa tujyrymdama óz turǵyndarymyzǵa arnalǵan. Shıpajaıǵa kelýshilerdiń 60 paıyzy - almatylyqtar, 20 paıyzy - Qazaqstannyń basqa aımaqtarynan. Sondaı-aq 20%-dyq úlesti sheteldik qonaqtarǵa beremiz. Bul tsıfrlar əzirge naqtylanǵan joq, əli de ózgerister engizemiz", - dedi Almaty Mountain Resorts kompanııasynyń dırektory Naıl Nýrov.
2020 jylǵa qaraı bastalatyn shıpajaıy qurylysyn 2 jyldyń ishinde aıaqtaý josparlanýda.
"Kókjaılaýdy Qumbel jəne Dolına dep eki aımaqqa bólip qarastyramyz. Dolınada barlyq maýsymǵa qolaıly etip jasalǵan qyzmet túrleri bolady.
Munda qonaq úı, 200 oryndyq meıramhana jəne shańǵy mektebi salynady. Al Qumbel taý shańǵysymen belgili tabıǵı demalys aımaǵy. Shıpajaı aýmaǵyna jaıaýjúrginshi men velosıpedke arnalǵan arnalǵan joldar jasalady. Sondaı-aq, jasandy ózendi paıdalanýǵa jaratamyz. Qurylys alańy burynǵysynan 10 esege qysqarady. Joldyń kólemi 64 km-den 24-ke deıin kishireıtildi. Qazirgi jalpy aýmaǵy - 22 km. Eki gondol, úsh kresel, bes travolator joldary bolady", - dedi Naıl Nýrov.
Joba Almatynyń órkendeýi men qala turǵyndarynyń salaýatty ómir saltyn qalyptastyrýǵa jaǵdaı jasaý úshin júzege aspaq.
"Kókjaılaýdy" jastarǵa arnalǵan is-sharalardy ótkiziletin oryn retinde qarastyrǵymyz keledi. Sonda ol trendtegi shıpajaı bolar edi", - dep sózin qorytyndylady Naıl Nýrov.
Bas jobalaýshylardyń aıtýynsha, qurylys jumystaryna frantsýz, avstrııa mamandary jumyldyrylǵan. Sonymen qatar, buǵan ketetin shyǵyn 200 mln dollardan aspaıtynyn atap ótti.
Araılym Joldasbaeva
