2020 jylǵa qaraı Qazaqstanda jylyna 10 mln. sharshy metrge deıin turǵyn úı salynady - S. Ahmetov
ASTANA. 23 mamyr. QazAqparat - 2020 jylǵa qaraı «Qoljetimdi baspana-2020» baǵdarlamasynyń aıasynda Qazaqstanda turǵyn qurylystyń jalpy kólemin 10 mln. sharshy metrge deıin arttyrý josparlanýda.
Bul týraly búgin Astanada «Qoljetimdi baspana-2020» baǵdarlamasynyń jobalaryn talqylaý boıynsha ótken «dóńgelek ústel» barysynda QR Premer-Mınıstriniń birinshi orynbasary Serik Ahmetov málim etti.
«Bul baǵdarlama, onyń júıeli túrde oryndalýynda 2015 jylǵa qaraı qurylystyń kólemin jalpy alǵanda 7,2 mln. sharshy metrge deıin arttyrýǵa múmkindik beredi den sanaımyz. 2020 jylǵa qaraı turǵyn úıdiń kólemi jylyna 10 mln. sharshy metrge deıin artady», - dedi ol.
Degenmen, Serik Ahmetov atap ótkendeı, tehnologııalyq serpilissiz Qazaqstannyń bul maqsattarǵa jetýi qıyn bolady. «Óıtkeni turǵyn úı qurylysynyń tájirıbesi kórsetkendeı, biz qazirgi zamanǵy jańa tehnologııasyz tez arada jáne sapaly úılerdi sala almaımyz».
