2020 jylǵa qaraı Qazaqstanda jyl saıyn 10 mln. sharshy metr turǵyn úı salynýy tıis

ASTANA. 14 qańtar. QazAqparat - 2020 jylǵa qaraı Qazaqstanda jyl saıyn 10 mln. sharshy metr turǵyn úı salynýy tıis. Bul týraly búgin «Qoljetimdi baspana-2020» baǵdarlamasynyń júzege asyrylý barysy keńinen talqylanǵan Úkimet otyrysynda QR Premer-Mınıstri Serik Ahmetov aıtty.

«Qoljetimdi baspana-2020» baǵdarlamasynyń 2013 jylǵy qorytyndysy jaman emes. Jospar oryndaldy, tipti artyǵymen oryndaldy desek te bolady. Onyń ishinde baǵdarlamanyń barlyq baǵyttary boıynsha paıdalanýǵa berilgen turǵyn úıler kólemi 6 mln. 850 myń sharshy metrdi quraıdy», - dedi Úkimet basshysy.

Degenmen, S.Ahmetov bul salada áli de sheshilýi tıisti kúrmeýi kóp kúrdeli máselelerdiń de bar ekendigin ashyq aıtty. «2014 jyly júıeli problemalardyń barlyǵy túbegeıli sheshilýi tıis ári qoljetimdi baspana baǵdarlamasy aıasynda salynatyn turǵyn úıler 2020 jylǵa qaraı 10 mln. sharshy metrdi quraýy kerek. Biz muny oryndaýǵa tıistimiz», - dedi ol.