2020 jylǵa qaraı Qazaqstanda tarıf quny 80 paıyzǵa deıin ósýi múmkin
«2015 jylǵy 1 qańtardan bastap álemdik tájirıbege súıenip, jańa tarıftik saıasatty bastadyq. Onyń mańyzdy ustanymdary: tutynýshylardyń múddelerin qorǵaý; kommýnaldyq qyzmetterdiń sapasyn arttyrý; sýbektiler jumysynyń tıimdiligin kóterý»,- dedi ol.
Komıtet basshysynyń atap ótýinshe, osyǵan oraı tutynýshylardy qorǵaýǵa arnalǵan jańa model jasalǵan. Atalǵan modeldiń eń mańyzdy ustanymy - tarıf halyqtyń jaǵdaıyna qarap bekitiledi.
«Naqty aıtqanda, kommýnaldyq qyzmetterge jalpy tólemniń kvıtantsııasy tutynýshyǵa túsinikti bolýy tıis. Osyǵan baılanysty tutynýshy úshin jaǵdaıdyń turaqty bolýyna arnalǵan jańalyqtardyń biri - uzaq merzimdi tarıfke kóshý. Bizdiń modelde alańy 44 sharshy metr bolatyn jáne qyzmetterdi tutynýdyń standartty parametrleri bar páter alyndy. Inflıatsııaǵa úles - 1,2 paıyz. Model boıynsha páterdiń ortasha chegi bir páter úshin 8,200 teńgeden 2019 jyldyń sońynda 14,700 teńgeden nemese 80 paıyzdan aspaıdy», - dedi S.Jumanǵarın.
