2020 jylǵa qaraı Qazaqstan mektepterindegi keń jolaqty ınternettiń jyldamdyǵy 4 M/bıtqa deıin artpaq
ASTANA. 3 qarasha. QazAqparat /Jasulan Amanbaıuly/ - 2020 jylǵa qaraı Qazaqstan mektepterindegi elektrondy oqytýǵa arnalǵan keń jolaqty ınternettiń jyldamdyǵyn sekýndyna 4 Mbıtqa deıin arttyrý josparlanýda.
Bul týraly búgin bnews.kz portalynda ótken onlaın-konferentsııa barysynda «Qazaqtelekom» AQ Basqarma tóraǵasy Qýanyshbek Esekeev málim etti.
«Qazir bizdiń kompanııa QR Aqparat jáne baılanys mınıstrliginiń keń jolaqty ınternettiń qoljetimdilik jospary baǵdarlamasyna sáıkes, aýyldyq jerlerde symsyz keń jolaqty ǵalamtordy júrgizý jumystaryn atqarýda. Osy qyzmetti usynǵannan keıin biz onyń jyldamdyǵyn arttyrý boıynsha is-qımyl jasaýdy bastaımyz. Nátıjesinde bul 2020 jylǵa qaraı Qazaqstannyń barlyq mektepterindegi keń jolaqty ınternettiń jyldamdyǵyn 4 Mbıtqa deıin joǵarylatýǵa áser etedi», - deıdi Q. Esekeev.
