2020 jylǵa qaraı qazaq tiliniń termınologııalyq qory 100% jańartylady - Q.Ábil

ASTANA. QazAqparat - 2020 jylǵa qaraı qazaq tiliniń termınologııalyq qory 100%-ǵa jańartylýy tıis, dep málimdedi búgin OKQ brıfınginde QR Mádenıet jáne sport mınıstrliginiń Tilderdi damytý jáne qoǵamdyq-saıası jumys komıtetiniń Sh.Shaıahmetov atyndaǵy Respýblıkalyq úılestirý-ádistemelik ortalyǵynyń dırektory Qonysbaı Ábil.

«Termınologııalyq qordy jańa termındermen jańartý tarıhı tildik murany qaıta jóndeýge, sondaı-aq termıntaný jáne termınografııa boıynsha arnaıy jumys júrgizýdi talap etedi. Bul kórsetkish 2014 jylǵa qaraı 20%-ǵa, 2017 jylǵa qaraı - 60%-ǵa deıin, al 2020 jylǵa qaraı 100% deńgeıge deıin jetkizilýi tıis», - dedi Q.Ábil.

Onyń aıtýynsha, atalǵan jańartý álemdik tájirıbeni, týystas tilderdiń modelin, halyqaralyq termınder men termınologııalyq ataýlardy paıdalanýmen, sondaı-aq BAQ-daǵy jańa bekitilgen termınderdi paıdalaný jıiligin turaqty monıtorıngileý arqyly ótýi tıis.

Budan ózge, ol ortalyq «Termınderdiń elektrondyq bazasy» avtomattandyrylǵan málimetter bazasyn qurý boıynsha ǵylymı is-tájirıbe zertteýlerin júrgizetinin aıtyp ótti, dep habarlaıdy primeminister.kz .

«Portaldyń negizgi maqsaty - ǵalym-lıngvısterge jáne salanyń mamandaryna birge jumys jasaýǵa múmkindik beretin tuǵyrnamany qamtamasyz etý, sondaı-aq aýdıtorııany qazaqstandyq termınologııalyq qordyń jalpyǵa qoljetimdi aýdarmalarymen, defınıtsııalarymen jáne etımologııasymen jyldam ári sapaly qamtamasyz etý», - dep túsindirdi ol.