2020 jylǵa qaraı elimizdiń azyq-túlik qaýipsizdigi ishki naryq esebinen qamtamasyz etiledi - A. Mamytbekov
ASTANA. 5 qarasha. QazAqparat - 2020 jylǵa qaraı elimizdiń azyq-túlik qaýipsizdigi ishki naryq esebinen qamtamasyz etiledi.
Bul týraly búgin Parlament Senatynda «2013-2020 jyldar aralyǵyndaǵy aýyl sharýashylyǵy keshenin damytý máseleleri» taqyrybyndaǵy kezdesý barysynda mınıstr Asyljan Mamytbekov málim etti.
«2020 jylǵa qaraı elimizdiń azyq-túlik qaýipsizdigi ishki rynok esebinen qamtamasyz etiledi jáne bul 80 paıyz deńgeıinde oryndalady dep oılaımyz. Eń bastysy, aýyl sharýashylyǵy kesheni el ekonomıkasynyń tolyqqandy salasyna aınalyp, ınvestıtsııa úshin de tartymdy baǵytqa aınalady», - dedi mınıstr.
Toqtala ketetin jaıt, aýyl sharýashylyǵy keshenin damytýdyń 2020 jylǵa deıingi baǵdarlamasy boıynsha osy salaǵa 2 trln 986,96 mlrd teńge jumsalatyny kózdeledi. Bunyń 75 paıyzy taýarlardyń, qyzmetterdiń ekonomıkalyq qoljetimdiligin arttyrý sharalaryna, 14 paıyzy agrokeshenniń memlekettik qamsyzdandyrylýyn damytýǵa, 10 paıyzy qarjylyq saýyqtyrýǵa jumsalmaq.
