2020 jylǵa qaraı elimizdegi munaı óndirý 120 mln. tonnaǵa jetedi - C. Myńbaev
ASTANA. 29 aqpan. QazAqparat - 2020 jylǵa qaraı elimizdegi munaı óndirý kólemi 120 mln. tonnaǵa jetedi.
Búgin QR Parlamenti Májilisiniń jalpy otyrysynda «2012-2014 jyldarǵa arnalǵan respýblıkalyq bıýdjet týraly» QR zańyna ózgerister men tolyqtyrýlar engizý týraly» zań jobasyn talqylaý barysynda Munaı jáne gaz mınıstri Saýat Myńbaev osylaı málim etti.
Sóz arasynda mınıstr alýǵa bolatyn shıkizat qorlarynyń shamamen 5,3 mlrd. tonna ekendigin aıta kele, elimizde jyl saıyn 81 mln. tonna munaı óndiriletinin atap ótti. «Bul óndirý kólemin biz 2015 jylǵa taman shamamen 90 mln. tonnaǵa arttyrýdy josparlaımyz. Al 2020 jylǵa qaraı bul kórsetkish 120 mln. tonnaǵa jetýi múmkin», - dedi Saýat Myńbaev. Onyń aıtýynsha, bundaı kórsetkishter qoldanystaǵy kelisimsharttarǵa negizdelip josparlanǵan.
«Bundaǵy negizgisi «TeńizShevroıl» men Qashaǵan jobasy. Bul ustanymdy ári qaraı jalǵastyrý bizge mańyzdy», - dedi S. Myńbaev. Onyń aıtýynsha, jylyna 120 mln. tonna munaı óndirýdi ustap turǵannyń ózinde eldegi qor 40-45 jylǵa jetýi múmkin.
