2020 jylǵa qaraı elimizde jeke tulǵalardyń jappaı tabys jáne múlik týraly deklaratsııasy engiziledi
ASTANA. QazAqparat - 2017 jyldan bastap Qazaqstanda memlekettik mekeme qyzmetkerleri, memlekettik kásiporyn jumysshylary men ulttyq kompanııalardyń ákimshilik personaldary tabys jáne múlik týraly deklaratsııa tapsyra bastaıdy. Bul týraly búgin brıfıngte QR Qarjy mınıstrligi Memlekettik kirister komıtetiniń Metodologııa departamentiniń dırektory Tolǵanaı Botaqaeva málim etti.
Dırektordyń aıtýynsha, joǵaryda kórsetilgen sanattaǵy qyzmetkerler negizinen zańdy tulǵalardyń deklaratsııaǵa meıilinshe ázir sanaty bolyp tabylady. «Deklaratsııanyń ekinshi kezeńi 2020 jylǵa qaraı engizilmek, onda bul shara elimizdegi barlyq jeke tulǵalar úshin qamtylady», - deıdi T.Botaqaeva. Tutastaı alǵanda, deklaratsııalaý júıesine ený kezinde bastapqy deklaratsııa tapsyrylatyn bolady. Onda azamattar menshik quqyǵyndaǵy múlik, onyń ishinde páter, mashına, bankterdegi salymdar jáne t.b. kórsetýi qajet. Keıinnen halyq jyl saıyn alynǵan tabystar, satyp alynǵan múlik týraly deklaratsııa tapsyratyn bolady. Budan bólek, jyl ishinde jalaqy, zeınetaqy, shákirtaqy alǵan jáne basqa tabystar almaǵan nemese jyljymaıtyn múlik satpaǵan adamdar eshqandaı tsıfr kórsetpeı, bir paraqta qysqasha deklaratsııa tabys etetin bolady. Eger adamnyń dóńgelek tabysy neǵurlym keń bolsa, onda ol tolyq deklaratsııa tabys etýge tıis bolady.
