2020 jylǵa qaraı elimizde oqýshy oryndarynyń tapshylyǵy joıylady - S. Ahmetov
ASTANA. 11 qazan. QazAqparat - 2020 jylǵa qaraı elimizde oqýshy oryndarynyń tapshylyǵy joıylady.
Búgin Aqordada QR Prezıdenti N. Nazarbaevtyń qatysýymen ótip jatqan elimizdiń ótken 9 aıdaǵy áleýmettik-ekonomıkalyq damýy jáne Úkimet jumysynyń negizgi nátıjeleri týraly jıynda QR Premer-Mınıstri Serik Ahmetov osylaı málim etti.
«Balapan» baǵdarlamasy boıynsha mektepke deıingi mekemeler jelisi aǵymdaǵy jyly 1138 birlikke artyp, bes jasqa deıingi balalardy qamtý aýqymy 71,5 paıyzdy qurady. Bıylǵy jyldyń sońyna deıin 152 mektep paıdalanýǵa beriledi. Al 2015 jylǵa deıin taǵy 552 mektep salý josparlanady. Úsh aýysymdaǵy apatty mektepterdi jáne oqýshy orny tapshylyǵyn joıý 2020 qaraı josparlanady», dedi S. Ahmetov.
Budan bólek, Úkimet basshysy Densaýlyq saqtaýdyń biryńǵaı ulttyq júıesin engizý jumystary aıaqtalyp kele jatqanyn, medıtsınanyń sapasy men qoljetimdiligin arttyrý úlgisi engizile beretinin atap ótti.
