2020 jylǵa qaraı elimizde 550 kásibı standarttar ázirlenetin bolady
Jıynda «Qazaqstan Respýblıkasy men Halyqaralyq Qaıta Qurý jáne Damý banki arasyndaǵy qaryz týraly kelisimdi (Eńbek daǵdylaryn damytý jáne jumys oryndaryn yntalandyrý jónindegi joba) ratıfıkatsııalaý týraly» QR Zańy qabyldanǵan bolatyn.
«Ekonomıkalyq yntymaqtastyq jáne damý uıymy elderiniń tájirıbesine sáıkes, kásipodaqtar men jumys berýshiler oqý oryndaryna ózderiniń ulttyq biliktilik júıesindegi salalarǵa sáıkes kásibı standarttar men talaptardy qoıady. Al oqý oryndary sol standarttarǵa sáıkes, oqý baǵdarlamalaryn ózgertedi. Biz Dúnıejúzilik bank sarapshylarymen, Ulttyq kásipkerler palatasymen, tıisti memlekettik organdarmen birlesip, 2020 jylǵa deıin 550 kásibı standarttardy ázirlep shyǵarý múmkindigin de qarastyryp jatyrmyz. Mundaı kásibı standarttar tek kadrlar daıarlaýda emes, sonymen birge qaıta daıarlaý barysynda da qamtylýy qajet», - dedi T. Dúısenova.
Osyǵan oraı, mınıstr kelisim aıasynda qaıta daıarlaý jumysyn uıymdastyratyn jumyspen qamtý ortalyqtarynyń oqý oryndaryna qoıatyn talaptaryn qosý, olarǵa osy jumystardy atqara alatyndaı krýstardy engizý, tehnıkalyq bazany keńeıtý qamtylatynyn atap ótti. «Bundaı ortalyqtar barlyq óńirlerde qamtylatyn bolady. Tutastaı alǵanda, jobanyń iske asýyna tıisti memlekettik organdar monıtorıng jasaıdy. Al ony basqarý men qadaǵalaý arnaıy jumys komıtetiniń quzyretine beriledi», dedi mınıstr.