2020 jylǵa qaraı eldi mekender avtobýs baǵyt-baǵdarlarymen 100 paıyzǵa qamtylady
ASTANA. 26 qarasha. QazAqparat - 2020 jylǵa qaraı eldi mekender avtobýs baǵyt-baǵdarlarymen 100 paıyzǵa qamtylady. Bul týraly búgin Úkimet otyrysynda Kólik ınfraqurylymyn 2020 jylǵa deıingi damýy jónindegi memlekettik baǵdarlamany tanystyrý kezinde Kólik jáne kommýnıkatsııa mınıstri Asqar Jumaǵalıev málim etti.
Baǵdarlamany tanystyrý barysynda taratylǵan málimetterge qaraǵanda, elimizde avtobýs baǵdarlaryn kóbeıtý boıynsha tıisti sharalar qarastyrylǵan. Qazirgi ýaqytta 100-den artyq turǵyny bar eldi mekenderdiń 75 paıyzy turaqty avtobýs baǵdarlarymen qamtylǵan. 2020 jylǵa deıin qosymsha 300 baǵdardy ashý arqyly eldi mekenderdi 100 paıyzǵa qamtý josparlanǵan. Munymen qosa barlyq avtovokzaldar men avtobeketterdi ulttyq standart talaptaryna sáıkestendirý kózdelip otyr.
