2020 jylǵa qaraı ana men bala ólimin eki esege tómendetýimiz kerek - Elbasy
ASTANA. Qańtardyń 29-y. QazAqparat /Muratbek Maqulbekov/ - Aldaǵy onjyldyqqa belgilep otyrǵan maqsattardyń biri ana men bala ólimin eki esege tómendetý bolyp tabylady.
Bul týraly Elbasy Nursultan Nazarbaev Parlament palatalarynyń birlesken otyrysynda Qazaqstan halqyna Joldaýyn jarııalaý kezinde málim etti.
«Jalpy ólim-jitimdi 30 paıyzǵa azaıtý, týberkýlezben aýyrý kórsetkishterin 20 paıyzǵa qysqartý qajet. Sonda qazaqstandyqtardyń ómir jastarynyń uzaqtyǵy 72 jasqa deıin jetedi dep kútilýde. Osynaý qurǵaq málimetterdiń syrtynda bizdiń azamattarymyzdyń myńdaǵan qutqarylǵan ómiri tur. Bul mańyzdy mindet jáne biz oǵan mindetti túrde qol jetkizýimiz kerek», dedi Prezıdent.
Elbasynyń aıtýynsha, atalǵan maqsattarǵa qol jetkizý úshin densaýlyq saqtaý nysandaryn salý, kadrlar daıyndaý, salaýatty ómir saltyn nasıhattaý jónindegi sharalar kesheni júzege asyrylatyn bolady.
