2020 jylǵa qaraı Almaty oblysynda gazdandyrý deńgeıi 45%-ke jetedi
TALDYQORǴAN.QazAqparat - Bıyl «Almaty - Taldyqorǵan» magıstraldy gaz qubyrynyń qurylysy aıaqtaldy. Qazirgi kezde Almaty oblysynyń 11 aýdanynda gazdandyrý jumystary júrip jatyr. Bul týraly oblys ákimi Amandyq Batalov Ortalyq kommýnıkatsııalar qyzmetinde ótken brıfıngte aıtty, - dep habarlaıdy QazAqparat tilshisi.
Tabıǵı gazdy asyǵa kútken oblys turǵyndarynyń kópshiligi bıylǵy jyly kógildir otynǵa qol jetkizdi. Sóıtip óńirdi gazdandyrý 23%-dy qurap otyr.
«Tabıǵı gazǵa ótýdiń artyqshylyǵy óte kóp: birinshiden, óńir turǵyndarynyń jylýǵa ketetin shyǵyny azaıady, ekinshiden, turǵyndardyń ómir súrý qolaılylyǵy artady, eń bastysy basqa otyn túrlerine qaraǵanda ekologııalyq jaǵynan taza», - dedi Amandyq Batalov.
Eske salsaq, 2020 jylǵa qaraı Almaty oblysynyń bes aýdany men Qapshaǵaı qalasy tolyǵymen 100% gazdandyrylady, al jalpy oblysta gazben qamtý deńgeıi 45%-ke jetedi.
Sondaı aq, óńir basshysy Almaty oblysynda ortalyqtandyrylǵan aýyz sýmen qamtý 86%-ke jetkenin málim etti. Bul respýblıkadaǵy eń joǵarǵy kórsetkish (QR boıynsha - 55 %). Brıfınge belgili bolǵanyndaı, bıylǵy jyly Almaty oblysynda jalpy quny 9,9 mlrd. teńge bolatyn 107 joba júzege asyrylýda. Sonyń nátıjesinde 18 eldi mekenge sý qubyry júrgizilip, 80-inde sý sapasy jaqsarady.
