2020 jylǵa deıin JOO-larda korporatıvtik basqarý júıesi engiziledi
ASTANA. 31 mamyr. QazAqparat /Jasulan Amanbaıuly/ - Bilim berý salasyn damytýdyń 2011-2020 jyldarǵa arnalǵan memlekettik baǵdarlamasy aıasynda elimizdiń birqatar joǵary oqý oryndarynda jańa menedjment júıesiniń ilki jobasy engiziledi.
Bul týraly búgin Astanada QR Bilim jáne ǵylym mınıstrliginde ótken baspasóz máslıhatynda Quqyqtyq qamtamasyz etý jáne memlekettik satyp alý departamentiniń dırektory Nurlan Ybyraıym málim etti.
«Qazir biz membaǵdarlamanyń negizinde bilim júıesine korporatıvtik basqarý prıntsıpterin engizýdi sheship jatyrmyz», - dedi N. Ybyraıym.
Onyń atap kórsetkenindeı, korporatıvtik basqarýdyń negizgi prıntsıpterine tujyrymdama qabyldaý, bıýdjetti bekitý jáne kadr saıasaty fýnktsııalary kiredi. Departament basshysynyń sózinshe, ilki joba aıasynda ýnıversıtetterde baıqaýshylar keńesi qurylady. Olardyń negizgi mindeti memlekettik kásiporyndarǵa qoǵamdyq baqylaý júrgizý bolyp tabylady jáne korporatıvtik basqarýdyń tolyqqandy organy bolmaq. Qazirgi tańda onyń quzyry zańmen bekitilip qoıylǵan.
«Úkimet sheshimimen alǵashqy baqylaýshy keńesteri ál-Farabı atyndaǵy Qazaq ulttyq ýnıversıtetinde, L.N.Gýmılev atyndaǵy Eýrazııa ulttyq ýnıversıtetinde, Abaı atyndaǵy Qazaq ulttyq pedagogıkalyq ýnıversıtetinde, Qazaq ulttyq agrarlyq ýnıversıtetinde engiziledi», - dedi ol.
«Eger ilki jobany oryndaý barysynda korporatıvtik basqarý júıesiniń tıimdiligi anyqtalsa, bul eldiń barlyq bilim berý mekemelerine engiziledi. Korporatıvtik basqarý prıntsıpteri 2020 jylǵa deıin eldiń barlyq azamattyq JOO-larda engizilip bitedi», - deıdi atalmysh departament bastyǵynyń orynbasary Erjan Nurǵalıev.
