2020 jylǵa deıin jol boıynda 260 qyzmet kórsetý beketin salý josparlanýda - A. Jumaǵalıev
ASTANA. 26 qarasha. QazAqparat - 2020 jylǵa deıin jol boıynda 260 qyzmet kórsetý beketin salý josparlanyp otyr. Bul týraly búgin Úkimet otyrysynda Kólik ınfraqurylymynyń 2020 jylǵa deıingi damýy jónindegi memlekettik baǵdarlamany tanystyrý kezinde QR Kólik jáne kommýnıkatsııa mınıstri Asqar Jumaǵalıev málim etti.
«2020 jylǵa deıin jol boıynda 260 qyzmet kórsetý nysandaryn salý josparlanǵan. Onyń 31 respýblıkalyq bıýdjet esebinen, qalǵandary jeke ınvestıtsııalar arqyly iske qosylady», - dedi mınıstr.
Onyń sózine qaraǵanda, avtokólikterde jolaýshylar tasymalynyń ınfraqurylymyn damytý úshin aımaqtarda 9 avtovokzal, 45 avtobeket, 150 jolaýshylarǵa qyzmet kórsetý nysandary, sondaı-aq 1048 taksı aıaldamalary salynady.
