2020 jylǵa deıin tıimsiz paıdalanylyp kelgen 6,8 mln. gektar jer aýyl sharýashylyǵynda aınalymǵa enedi

Bul týraly búgin Aýyl sharýashylyǵy mınıstrliginde ótken Agroónerkásip keshenin damytý jónindegi Іskerlik keńesinde vedomstvo jaýapty hatshysy Evgenıı Aman málim etti.

Onyń aıtýynsha, agroónerkásip kesheni úshin taýarlar men qyzmetterdiń ekonomıkalyq qoljetimdiligin arttyrý maqsatynda ósimdik sharýashylyǵy, mal sharýashylyǵy, tereń óńdeý salalarynda memlekettik qoldaý sharalary jalǵasatyn bolady.

«Jalpy jobalar aıasynda qarastyrylǵan memlekettik qoldaý tetikteri agroónerkásip sýbektileriniń básekege qabilettiligin artyrý úshin ońtaıly jaǵdaılar qalyptastyrady. Bunyń ózi elimizdiń DSU-ǵa kirýi qarsańynda atalǵan salaǵa jasalǵan úlken qoldaý bolary sózsiz», - deıdi E. Aman.