2020 jylǵa deıin ózin ózi qamtyǵan 865 myń adam jumyspen qamtý baǵdarlamasyna qatysatyn bolady - Eńbek mınıstri
Bul týraly búgin Májilistegi Úkimet saǵatynda Eńbek jáne halyqty áleýmettik qorǵaý mınıstri Serik Ábdenov málim etti.
Mınıstrdiń aıtýynsha, jalpy alǵanda jumyspen qamtý baǵdarlamasy elimizdiń eńbek naryǵyna jaǵymdy áser ete bastaǵan. Nátıjesinde 150 myńnan astam adam jumyspen qamtylyp, eńbekke aralasqan áıelder sany 80 myńǵa artqan. Al ózin ózi jumyspen qamtyǵandar sany 52 myń adamǵa kemidi.
«Aýyl turǵyndarynyń tabysy 6,2 paıyzǵa artty. Jumyspen qamtýdy tıimdi iske asyrý jáne jumyssyzdyq deńgeıin bes paıyz mólsherinen asyrmaý maqsatynda taldaý esepteri jasaldy. Osy eseptiń nátıjesinde 2020 deıin respýblıka boıynsha 508 myń jumys ornynyń qajettiligi anyqtaldy. Osy rette Úkimet basshysy óndiris salasynyń basshylary men oblys ákimderine atalmysh jospardy oryndaýǵa tapsyrma bergenin aıtqym keledi. Budan bólek, ózin ózi jumyspen qamtyp otyrǵan adamdardyń baǵdarlamaǵa qatysýyn jyl saıyn otyz paıyzǵa kóterý jospary bar. Barlyǵyn qosqanda 2020 jylǵa deıin ózin ózi jumyspen qamtyǵan 865 myń adam baǵdarlamaǵa qatyspaq», deıdi mınıstr S. Ábdenov.