2020 jylǵa deıin qarý-jaraq pen qorǵanys ónerkásibiniń keshenin damytý baǵdarlamasyn ázirleý boıynsha aýqymdy jumys bastaldy - QR QM
Alqa májilisine mınıstrlik basshylyǵy, departament jáne basqarma basshylary, ásker túrleriniń bas qolbasshylary, ásker tekteri, óńirlik qolbasshylyq áskerleriniń qolbasshylary, áskerı oqý oryndary, qorǵanys isteri jónindegi departamentteriniń bastyqtary, serjanttar quramy qatysty.
Іs-shara barysynda Qarýly Kúshterdiń sapalyq jaı-kúıimen baılanysty máseleler, onyń ishinde áskerlerdiń jaýyngerlik ázirligi, QR Qarýly Kúshterindegi áskerı tártip pen quqyqtyq tártip, ony jaqsartý jónindegi tapsyrmalar talqylandy.
«Elbasy - Joǵarǵy Bas qolbasshynyń erekshe qoldaýy jáne memlekettiń qorǵanys qabilettiligi máselelerine udaıy nazar aýdarýynyń arqasynda armııanyń jalpy jaı-kúıi jetkilikti jaqsy deńgeıde tur», - dedi alqa májilisinde QR Qorǵanys mınıstri Imanǵalı Tasmaǵambetov.
Sonymen, Joǵarǵy Bas qolbasshynyń tapsyrmasy boıynsha 2014 jylǵy qazannan bastap 2015 jylǵy shilde aralyǵynda barlyq ásker túrleri men óńirlik qolbasshylyqtarda shamamen 70 kenetten tekserý iske asyryldy. Onyń ishinde: 52 tekserý Qurlyq áskerlerinde, 11 - Áýe qorǵanysy kúshteri arasynda jáne 3 - Áskerı-teńiz kúshterinde boldy. Osynaý is-sharalardyń, sondaı-aq josparly tekseristerdiń basty maqsaty - kez kelgen jaǵdaıda áskerlerdiń jaýyngerlik qabilettilik deńgeıin arttyrý.
Bul oraıda Qarýly Kúshterdiń bólimderi men bólimsheleriniń shynaıy jaýyngerlik ázirligin tekserýdiń pármendi tetigi kenetten tekserý bolyp tabylady.
Osyǵan baılanysty, qorǵanys vedomstvasynyń basshysy I.N. Tasmaǵambetovtiń qatysýymen ártúrli óńirlerde túngi ýaqytta ótkizilgen 5 tekseristi júzege asyrý boıynsha jumys uıymdastyryldy.
Shetel áskerı sarapshylarynyń pikirinshe, UQShU, ShYU halyqaralyq uıymdarynda, sondaı-aq «Beıbitshilik úshin seriktestik» NATO-nyń baǵdarlamalarynda yntymaqtastyq jasaýda qazaqstandyq áskerıler mańyzdy júıeli róldi iske asyrady. Áskerı qyzmetshiler ózderiniń joǵary jaýyngerlik ázirlik deńgeıin «Dala qyrany - 2015», «Altyn úki», «Jaýyngerlik dostastyq - 2015», UQShU-nyń UJDK, TMD-nyń armııalyq oıyndary sekildi is-sharalarǵa qatysyp, joǵary nátıje kórsetýi osyny rastaıdy.
Sonymen, «Dala qyrany» oqý-jattyǵýy kezinde UQShU-nyń UJDK kenetten tekserýi barysynda QR QK Aeroutqyr áskerlerinen Qorǵantóbe tájik qalasynyń áýeaılaǵyna ushaqtarmen laqtyrylǵan taldyqorǵandyq jáne boraldaılyq desantshylar tartyldy. Onyń aıasynda sarbazdar oqý-jattyǵý polıgonyna deıin kóp shaqyrymdyq marsh jasady.
Elimizdiń barlyq oqý oryndarynda áskerı-patrıottyq jumys belsendi júrgizilýde. Máselen, 9-13 maýsym kúnderi «Spassk» oqý-jattyǵý ortalyǵynda zamanaýı Qazaqstannyń tarıhynda alǵash ret «Aıbyn» І áskerı-patrıottyq jıyny ótti. Oǵan 15 pen 20 jas aralyǵyndaǵy respýblıkanyń túkpir-túkpirinen jınalǵan 800-den astam jastar qatysty. Sonymen qatar Qorǵanys mınıstrliginiń qaramaǵyna úsh respýblıkalyq áskerı mektep-ınternatyn berý júzege asyryldy.
Aıta keteıik, Qorǵanys mınıstrligi qyzmetiniń mańyzdy basymdylyǵy Qarýly Kúshterdiń qarý-jaraǵy men tehnıkasyn jańartý bolyp tabylady. Birinshi jartyjyldyq ishinde ǵana Áýe qorǵanysy kúshteriniń avıatsııalyq parki 4++ úlgidegi SÝ-30SM tórt jańa úlken manevrli joıǵyshtarmen jańartyldy. Bul eldiń áýe shepteriniń qorǵanysyn anaǵurlym arttyrady.
Aǵymdaǵy jyly memleket basshysynyń qoldaýymen úsh jyldyq memlekettik qorǵanys tapsyrysyn oryndaý boıynsha pılottyq joba iske asyrylady. Onyń biryńǵaı oryndaýshysy «Qazaqstan ınjınırıng» bolyp tabylady.
2020 jylǵa deıin qarý-jaraq pen qorǵanys ónerkásibiniń keshenin damytýdyń memlekettik baǵdarlamasyn ázirleý jóninde aýqymdy jumys bastaldy. Áskerı standarttardy ázirleý júıelendirildi. Mınıstrlikpen Qarýly Kúshterdiń, basqa da áskerler men áskerı qurylymdardyń jaraǵyna qazaqstandyq kásiporyndar shyǵarǵan ónimge jeńildikter kózdelgen qarý-jaraq pen áskerı tehnıkany qabyldaýdyń jańa qaǵıdalary bekitildi. Shyǵarylatyn ónimniń sapasyn baqylaý maqsatynda áskerı qabyldap alý ınstıtýty engizilgen.
Alqa qorytyndysy boıynsha aldaǵy jumystyń baǵyttary aıqyndalyp, birqatar tıisti tapsyrmalar berildi. Budan ózge, májilis qatysýshylary atalǵan tetikterdiń qorǵanys vedomstvasynyń jumysyn jańa sapaly deńgeıge shyǵarýǵa múmkindik beretini týraly oı-pikirlerin bildirdi.