2020 jylǵa deıin biz buqaralyq sportqa Qazaqstan halqynyń 30 paıyzyn tartýymyz kerek - QR Týrızm jáne sport mınıstrligi
STANA. Shildeniń 27-si. QazAqparat /Janna Qorqytova/ - 2020 jylǵa deıin biz buqaralyq sportqa Qazaqstan halqynyń 30 paıyzyn tartýymyz kerek.
Ol úshin jas býyn men elimizdiń barlyq halqynyń belsendiligin arttyrýymyz qajet.
Seısenbi, shildeniń 27-sinde Sport kúni qarsańynda jýrnalıstermen ótkizilgen kezdesý barysynda Qazaqstan Respýblıkasynyń Týrızm jáne sport mınıstrligi Sport jónindegi komıtetiniń tóraǵasy Elsııar Qanaǵatov osyndaı pikir bildirdi.
Óziniń qazaqstan halqyna Joldaýynda Memleket basshysy buqaralyq sporttyń damýy men salaýatty ómir saltyn qalyptastyrýdyń mańyzyn atap ótti, sondyqtan da ol mınıstrlik jumysynyń mańyzdy basymdyqtarynyń biri bolyp tabylady, dep atap ótti E.Qanaǵatov.
«Bizdiń aldymyzda naqty mindet tur, ol - 2020 jylǵa deıin dene tárbıesi men sportqa Qazaqstan halqynyń 30 paıyzyn tartý. Biz qazir 16,4 paıyzdyq mejege jettik, qazirdiń ózinde biz shamamen buqaralyq sporttyń 2020 jylǵa deıingi damýynyń josparyn jasap qoıdyq», - dedi Sport jónindegi komıtettiń basshysy.
