2020 jylǵa deıin Almatyda 20 jataqhana salynady
«El ómirine zor serpilis ákelgen Prezıdenttiń 5 áleýmettik bastamasyn almatylyqtar da aıryqsha yqylaspen qabyl aldy. Qalanyń bıylǵy bıýdjeti qaıta qaralyp, barynsha áleýmettik sıpatqa ıe boldy. Naqty jobalar qolǵa alynyp, olarǵa 65 mlrd teńge qarastyryldy. Qazir elimiz boıynsha 500 myń stýdent bolsa, onyń jartysyna jýyǵy aýyldan, ıa basqa qaladan kelip oqıtyn balalar», - dedi ol.
Onyń dereginshe, Almatynyń joǵary oqý oryndarynda 140 myńǵa jýyq stýdent oqıdy. Kolledjderde 27 myńnan astam jas tegin bilim alyp jatyr.
«Almatydaǵy naqty qajettilik 23 myń oryn. Ýnıversıadanyń jalǵasy retinde qalada ózińizdiń tapsyrmańyzben jastar jyly jarııalandy. Sonyń aıasynda megapolıste 2 myń oryndyq jataqhana salynsa, endi sizdiń tapsyrmańyz boıynsha 2020 jylǵa deıin taǵy 20 jataqhana salý josparlanǵan. 9 joǵary oqý orny óz kúshterimen 5 myń oryndyq jataqhana salýǵa kirispekshi. Sizdiń bastamańyzdy aıasynda biz oqý oryndaryndaǵy barlyq jer telimderin belgiledik. Tapsyrmany oryndaýǵa tolyq daıynbyz. Jastar endi páter jaǵalamaı alańsyz bilim alatyn bolady», - dedi Qalı Sársenbaı.
Aıta keteıik, «Bes áleýmettik bastama - qoǵamnyń áleýmettik birliginiń tuǵyry» degen kún tártibimen bastalǵan sessııa jumysyna 1 500-den astam adam qatysýda.
https://kaz.inform.kz/news/astanada-nursultan-nazarbaevtyn-toragalygymen-kha-sessiyasy-bastaldy_a3234539
Olardyń qatarynda eldiń barlyq óńirlerinen kelgen Assambleıanyń ardagerleri, respýblıkalyq jáne óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń, úkimettik emes uıymdardyń basshylary, JOO rektorlary, shet memleketterdiń dıplomatııalyq mıssııalarynyń, ǵylymı, shyǵarmashyl zııaly qaýymnyń jáne BAQ-tyń ókilderi bar.
Sessııa sońynda saltanatty kontsert ótedi.
