2020 jylǵa deıin 900 kásiptik standart ázirlenedi - B.Nurymbetov

ASTANA. QazAqparat - 2020 jylǵa deıin 900 kásiptik standart ázirlenedi. Bul týraly búgin QR Ortalyq kommýnıkatsııalar qyzmetindegi brıfıngte Densaýlyq saqtaý jáne áleýmettik damý vıtse-mınıstri Birjan Nurymbetov málim etti.

Vıtse-mınıstr óz sózinde ekonomıka qajettiligin eńbek resýstarymen qanaǵattandyrýdyń jáne óndiris pen oqytý arasynda tikeleı baılanys ornatýdyń mańyzdy elementteriniń biri - kásibı standarttar ázirleý ekendigin atap ótti.

«Bul turǵyda Úkimet «Atameken» ulttyq kásipkerler palatasymen birlesip birqatar jumystar atqarýda. 2012 jyldan bastap 345 kásiptik standarttar ázirlenip, bekitilgen. Osy jyly bizdiń josparymyz boıynsha taǵy da 58 kásiptik standartty bekitýdi kózdep otyrmyz. Bul jumystardy atqarýdy biz óz kúshimizben ǵana shektelip qalmaı, halyqaralyq qarjylyq uıymdardyń da kómegin paıdalanýdamyz. Sol standarttardyń 147-si Dúnıejúzilik bank kómegimen ázirlengen. Jalpy, 2020 jylǵa deıin biz 900 kásiptik standartty ekonomıkanyń barlyq salasynda ázirleýdi josparlaýdamyz», - dedi B.Nurymbetov.

Osy oraıda vıtse-mınıstr kásiptik standarttar erteńgi kúni bilim berý standartynyń ne bolmasa oqytý baǵdarlamalarynyń josparyna negiz bolýy tıistigin aıtty.

«Kásiptik standarttyń ázirlený sapasy da joǵary bolýy tıis. Osy rette biz keler jyldan bastap «Atameken» ulttyq kásipkerler palatasyna kásiptik standarttardy ázirleý jáne ózektendirý qyzmetin berýdi josparlaýdamyz», - dedi ol.