2020 jylǵa deıin 50 mln gektar orman joıylady
NUR-SULTAN. QazAqparat - Grınpıs baıandamasyna sensek, tutynýshylyq brendter sońǵy onjyldyqta Ulybrıtanııa kóleminen eki ese úlken ormannyń joıylýyna áser etken. Sonymen qatar baıandamada 2020 jylǵa deıin osyndaı brendter kesirinen 50 mln ga orman joıylatyny jazylǵan, dep habarlaıdy The Guardian basylymy.
«2010 jyly tutynýshylyq taýarlar forýmynyń músheleri 2020 jylǵa deıin orman kesýdi azaıtýǵa mindettelgen bolatyn. Mamandardyń aıtýynsha, ormannyń joıylýyna palma maıy, qaǵaz, tsellıýloza men soıa óndirisiniń keri áseri mol», dep jazady avtor.
Onyń aıtýynsha, Greenpeace International júrgizgen zertteýde 2020 jyldyń basyna qaraı aýylsharýashylyq ónimderge degen suranystyń artýy men tutyný kórsetkishiniń ósýinen 50 mln gektar orman joıylýy múmkin.
«Baıandamada 2010 jyldan beri Brazılııada soıa ósirý 45%, Indonezııada palma maıy óndirisi 75%ǵa óskeni aıtylǵan. Ekologııalyq top negizgi brendter óz mindetterin durys atqarmaı jatqanyn aıtyp, klımat pen ekologııanyń ózgerýiniń aldyn alý úshin belgilengen áreketterdi oryndamaǵany úshin synǵa aldy», dep jazady avtor. Onyń jazýynsha, ormannyń azaıýy parnık gazdarynyń artyp, klımattyń ózgerýine ákeledi jáne begili bir túrlerdiń joıylýyna áser etedi.
«Grınpıs 2019 jyldyń basynda elýden astam treıderge, óndirýshilerge, iri kompanııalarǵa habarlasyp, taýar óndirisine qansha orman ketetinin aıtýdy surapty. Biraq kompanııalardyń kóbi jaýap bermegen. Grınpıstiń ormandar boıynsha jahandyq kampanııa basshysy Anna Djonstyń aıtýynsha, bul iri kompanılar ekologııalyq kollapsqa ıtermelep jatyr», dep jazady basylym.
Baıandamada álem boıynsha ormandardyń 80% aýyl sharýashylyq óndirisi úshin joıylatyny aıtylǵan.
«Byltyr qazan aıynda Klımat sarapshylarynyń úkimetaralyq toby ormandardy qorǵaý óndiris salasynyń da basty maqsatyna aınalýy kerektigin aıtty. Al tutynýshylyq taýarlar forýmynyń qatysýshylary bul máselede olardy róli zor ekenin moıyndady», dep jazady avtor.
