2020 jylǵa deıin 4 myńnan astam balabaqsha ashylady - A.Sárinjipov
ASTANA. QazAqparat - 2020 jylǵa deıin 4 myńnan astam balabaqsha ashylady. Bul týraly búgin bilim qyzmetkerleriniń respýblıkalyq Tamyz keńesinde QR Bilim jáne ǵylym mınıstri Aslan Sárinjipov málim etti.
«2020 jylǵa deıin qosymsha 4 myńnan astam mektepke deıingi jańa uıymdar ashylyp, osy oraıda jarty mıllıonnnan astam jańa oryndar qamtamasyz etiledi. Nátıjesinde 3-6 jas aralyǵyndaǵy barlyq balalar mektepke deıingi bilimmen qamtylady jáne olardyń sany 1 mıllıonnan asyp túsedi», - dedi A.Sárinjipov. Mınıstrliktiń málimetinshe, qazirgi kezde balalardy erte jastan damytýda otbasylar tarapynan joǵary qajettilik baıqalýda. Respýblıkada 1-3 jas aralyǵyndaǵy búldirshinder 600 myńǵa jýyq jáne olar qamtý deńgeıi 16 paıyzdy qurap otyr. Tek 2013 jyly halyqtyń mektepke deıingi tárbıe men bilim berý qyzmetterine qajettiligi 13 paıyzǵa artty.
